सोलापूर : ए. जी. पाटील अभियांत्रिकी महाविद्यालयात स्थापत्य अभियांत्रिकी विभागातील विद्यार्थ्यांसाठी ‘स्पर्धा परीक्षांची तयारी’ या विषयावर तज्ञांचे मार्गदर्शन आयोजित करण्यात आले होते. या वेळी येथील ड्रीम फाउंडेशनचे व्यवस्थापक काशिनाथ भतगुणकी यांनी मार्गदर्शन केले.
स्पर्धा परीक्षांची तयारी कशी करावी, कुठल्या प्रकाशनाची पुस्तके वापरावी, वेळेचे नियोजन कसे करावे, विविध प्रकारच्या स्पर्धा परीक्षा व त्यांचे उत्तीर्ण होण्याचे प्रमाण व त्यासाठी लागणारे गुण आदी विषयांवर त्यांनी सविस्तर मार्गदर्शन केले; तसेच ‘विद्यार्थ्यांनी मोठी स्वप्न पाहून भारतासमोरील सध्या असणाऱ्या प्रश्नांची उकल करावी,’ असे त्यांनी सांगितले.
भातगुणकी यांच्या हस्ते दीपप्रज्वलन करण्यात आले. या प्रसंगी अध्यक्ष ए. जी. पाटील, सचिव एस. ए. पाटील, कॅम्पस डायरेक्टर डॉ. एम. ए. चौघुले, प्राचार्य डॉ. ए. एस. पाटील, उपप्राचार्य प्रा. व्ही. व्ही. पोतदार यांच्या मार्गदर्शनाखाली प्रा. टी. डी. मसलेकर, प्रा. एस. एम. बिराजदार, प्रा. पी. आर. हेडगिरी यांसह विद्यार्थी उपस्थित होते.
अनिरुद्ध कट्टा यांनी सूत्रसंचालन केले. गौरी मुटकुळे यांनी आभार मानले. कार्यक्रमाच्या यशस्वितेसाठी स्थापत्य अभियांत्रिकी विद्यार्थी संघटना (एसेस) प्रा. ए. जी. चव्हाण, संजय जाधव यांनी मेहनत घेतली.
